KNK: Duyemin Salvegera Serkevtinê ya Berxwedana Kobanê Pîrozbe

>>>

KNK: Duyemin Salvegera Serkevtinê ya Berxwedana Kobanê Pîrozbe

Duyemin Salvegera Serkevtinê ya Berxwedana KobanêPîrozbe

Kobanê çirîska destpêkê ya şoreşa Rojavaya Kurdistanê ku di 19ê Tirmeha 2012ê da gava ewil ya azadîyê avêtibû û hêzên rejima Şamê tesfîye kiribûn û îdareya bajêr hilgirtibû destê xwe. Kobanê yêk ji Kantonên Rojavaya Kurdistanê ye ku di 27ê Kanûna Paşîn [January] ya 2014ê da îlana statûya kantonî hatibû kirin. Kobanê bi vê serhildêrî û berxwedana xwe bû hedefa dijminên dagîrker. DAIŞa ku ji hevîrê nijadperestîya Erebî û cîhadîst pêkhatî, tehemula serkevtina Kurdistanîyan ya li rojavaya Kurdistanê nekir û êrîşê Kobanê kir. Hemû dagîrkerên Kurdistanê ji vê êrişkarîya DAIŞê memnûn bûn lê piştevanîya herî xurt û eşkere ji dewleta Tirkîyeyê hat bo DAIŞê. Dewleta Tirkîyeyê daku Kurd li "Sûrîyeya Bakur" berze bikin destekeke kamil ya lojîstîk da DAIŞê. DAIŞa ku di cepheyên Til Koçerê, Til Xelef û deverên din da şkesteke mezin xwarî bi wê kîn û nefretê êrîşa Kobanê kir.  

Kobanîya ku ji Îlona 2014ê pê ve bi ber pêlên êrişa DAIŞê ketî berxwedaneke mezin nîşan da. DAIŞê dagirîya Kobanê bo xwe kire hedefa sereke. Lê Kobanîyan jî berxwedan û parastina Kobanê bo xwe kirine armanca man û nemanê. Kobanîyan di pêşengîya YPG û YPJê da berxedaneke mezin organîze kirin. Kobanê adeta bû meydana cenga paşverûtî û pêşverûtîyê. DAIŞa paşverû bi navê hemû dagîrkerên Kurdistanê temsîla tarîtîyê dikir, xelkê Kobanêyê yê pêşverû pêkve temsîla ronahîyê dikir. Kurdan, Kurdistanîyan, navçeya rojhilatanavîn û dinyayê li ser vê rastîya Kobanê pozisyon wergirt. 

Kobanê li seranserê Kurdistanê bû merkeza parastina welat, li dinyayê jî bû sembola ronahîyê. Kurd di hewildana parastina Kobanê da bûne yêk. Ji bakur û rojhilata Kurdistanê Hêzên Gerîlla, ji başûra Kurdistanê Hêzên Pêşmerge çûne hawara YPG-YPJê û xelkê Kobanê. Ji seranserê Kurdistanê û meydanên diasporayê bi sedan xelkê sivîl bi fedakarîyeke bilind berê xwe dane Kobanê û mil bi milê Kobanîyan şerê parastina welêt kirin. Kobanê bû çeperê nîşandana welatperwerîya Kurdistanê. Dinyaya humanîter û demokratîk bû heyranê berxwedana Kobanîyan û xelkê Kurdistanê ya li dijî kevneperestîya DAIŞê û piştevanîyeke mezin û xurt nîşandan û ji Amerîka heta Yêkîtîya Ewrûpayê destekeke mezin û xurt ya leşkerî û mirovî hate dan.

Kobanê bi vê pêla bilind û xurt ya tifaqa navxweyî û piştevanîya dinyaya demokratîk di 26ê Kanûna Paşîn [January] ya 2016ê da ji DAIŞa kevneperest û tarî hate rizgar kirin.

Kobanîya ku bi vê serkevtina efsanewî bûye pencereya ronahîyê li rojhilatanavîn nihadi nav bizaveke mezin ya ji nû ve avabûnê da ye. Kurd û dinyaya ku di şerê parastina Kobanê ya dijî kevneperestîya DAIŞê da cih girtî îro divêt di avabûna nû ya Kobanê da jî cihê xwe bigirin. Kobanê li hêvîya hevkarî û piştevanîya navxweyî û derveyî ye. 

Helbet di vê prosesa avabûnê da êrişkarîya dewleta Tirkîyeyê dîsa ve aktuel bûye û divêt hişyardarîyeke xurt di vî warî da jî berdewam be.

KNK bangî Kurd û Kurdistanî û dinyaya humanîter û demokratîk dike ku di vê têkoşîna avakirina nû û herwisa parastina bi giştî ya Kobanê da ref û rêzên xwe sist nekin û di hemû waran da hevkarî û piştevanîyeke bilind bikin.

Di heman demêda niha salvegera hefteya damezrandina Kantonên Rojavaya Kurdistanê ye. Weke tê zanîn 21.01.2014an da Kantona Cizîrê 27.01.2014an Kantona Kobanê û 29.01.2014an Kantona Efrînê hatin damezrandin û îlankirin. Serkeftina Berxwedana Kobanê jî di heman hfteyê da pêkhat. Em niha 2 serkeftinan bi hevre pîroz dikin.

Ev serkeftin bi bedelekî mezin, bi keda şehîdên nemir û berxwedêrên leheng pêkhat. Em sêrîde şehîd û berxwedêrên Kobanê, Rojava û hemî Kurdistanê bi rêz û hurmet bîr tînên û li ber bîranîna bejna xwe ditewînin.

Bi vê ve girêdayî em duyemîn salvegera Serkeftina Berxwedana Kobanê û sêyemîn salvegera damezrandina Kantonên Rojavaya Kurdistanê sêrîde li gelê me yê Rojava, li gelên Kurdistanê û Cihanê pîroz dikin û ji şoreşa Rojava re serkeftinê dixwazin. 

Konseya Rêvebir ya KNKê

25.01. 2017, Bruksel

Yükleniyor...
Avatar
Adınız
Yorum Gönder
Kalan Karakter:
Yorumunuz onaylanmak üzere yöneticiye iletilmiştir.×
Dikkat! Suç teşkil edecek, yasadışı, tehditkar, rahatsız edici, hakaret ve küfür içeren, aşağılayıcı, küçük düşürücü, kaba, müstehcen, ahlaka aykırı, kişilik haklarına zarar verici ya da benzeri niteliklerde içeriklerden doğan her türlü mali, hukuki, cezai, idari sorumluluk içeriği gönderen Üye/Üyeler’e aittir.